നിലാവുപോൽ 

 നിലാവുള്ളോരീ രാത്രിയിലേകയായ് 

ഞാനീ  കടലിൻറെ ആഴവും  നോക്കിയിരിക്കവേ 

നിൻറെ ആ വിരൽ തുമ്പുകൾ എന്റെയീ  നെറുകയിൽ 

തഴുകി തലോടുന്നൊരീണമായ് മാറിയിരുന്നുവെങ്കിൽ 

വിരിയുന്നോരാ പൂവിൻറെ ഗന്ധത്തെ തഴുകി 

തലോടുന്നോരാ കാറ്റിൻറെ മൃദുച്ചുംബനം പോൽ 

നിൻറെ ആ  മാറിൽ തലചായ്ച്ചീ കടലിൻറെ 

ഓളവും നോക്കി മയങ്ങുവാനായ് ഞാൻ കാത്തിരിപ്പൂ 

ഒരു വാക്കു പോലും പറയാതെ ഏതോ

നിലാവിൻറെ പിന്നിലേക്കു നീ മാഞ്ഞു പോകവേ 

ഏകയായ് ഞാൻ നിൻറെയാ കുളിരാർന്നൊരാ ഓർമകളിൽ 

നിന്നെയും തേടി  നിലാവുപോൽ നില്‍പ്പുവിന്നും