ഒരുവട്ടം എങ്കിലും 

എൻ കണ്ണിൽ നിന്നു ഊർന്നു വിഴുന്നോരാ കണ്ണുന്നീർ തുള്ളികൾക്കൊക്കവേ 
നിൻ ഓർമ്മതൻ വസന്തകാലത്തിൻ മാധുര്യമുണ്ട്‌
എൻ ഓർമ്മകളിൽ വിരിയുന്നോരാ നിൻ വാക്കുകൾക്കൊക്കവേ 
ഏതോ നിശബ്ദ സംഗീതത്തിൻ മാധുര്യമുണ്ടിന്നും

ഒരിക്കലും തനിയേ ആക്കില്ലെന്നോരുവാക്ക് നൽകി നീ
ഈ വഴി യാത്രയിൽ എന്നെ തനിയേ ആക്കി പോകവേ
ഒരിറ്റു കണ്ണുന്നീർ തുള്ളിയോടൊപ്പം നീ നടന്നു മാഞ്ഞോരാ വഴിയോരം
നോക്കി നിൽക്കുവതല്ലാതൊരു വാക്കു മിണ്ടുവാൻ എനിക്ക് കഴിഞ്ഞീല

പലവട്ടം തിരിയേ വിളിക്കുവാൻ എൻ മനം ഏറെ കൊതിച്ചുവെങ്കിലും
ഒരു വട്ടം പോലും തിരിഞ്ഞൊന്നു നൊൽക്കാതെ നീ എങ്ങോ പോയ്മറഞ്ഞു
ഈ യാത്രയിൽ നിനക്കു പറയുവാനുള്ളതെല്ലാം പറഞ്ഞു നീ പിരിയവേ
ഒരു വട്ടം പോലും എൻ മനസ്സിൽ നിന്നോട് പറയുവാനുള്ളതു നീ കേട്ടീലതാനും